Lideri i opozitës maqedonase, Zoran Zaev, është takuar sot me ambasadoren gjermane në Shkup, Christine Althauser, me të cilën është diskutuar për vazhdimin e proceseve demokratike në vend, përcjell Telegrafi Maqedoni.

Gjithashtu është diskutuar edhe për formimin e një qeverie të re, të qëndrueshme dhe të përkushtuar ndaj reformave të menjëhershme.

Në takim u theksuan si mjaft kyçe, rekomandimet nga Raporti i përparimit i Komisionit Evropian dhe Priebe-së. Sipas njoftimit të LSDM-së, bashkëbiseduesit kanë folur edhe për reformat në sistemin juridik, si edhe për nevojën e kryerjes së plotë të punëve të Prokurorisë Speciale Publike (PSP).