Maqedonia Shqiptare
Me çfarë akuze arreston Thaçi apo robi i tij Ramushi gylenistët turq në Kosovë, akt që nuk bën asgjë vend perëndimor? E shihni si shndërruan çlirimtarët Kosovën në vilajet të Erdoganit dhe krahinë të Serbisë?
A do të kishte qenë mirë Ramushin nga diskoteka e Zvicrës ta arrestonin dhe dërgonin në Beograd? E azilantin tjetër Hashimi?
Nuk kisha mundur kurrë të marrë me mend se ky popull, është i aq korruptuar në shpirt, sa rrënimin e sovranitetit, vështron live!
Naser ALIU
Shoferi 41 vjeçar nga Maqedonia ishte duke e vozitur kamionin në drejtim të Dortmundit, kur rreth orës 6.50 të ditës së sotme (e enjte), nga arsye të panjohura, ka humbur kontrollin dhe është përplasur për një shtyllë betoni.
“Nga aksidenti rreth 25 ton materiale të ngarkuara në kamion u shpërndanë në rrugë, ndërsa vetë kamioni pësoi dëmtime të shumta. Rruga mbeti e bllokuar deri rreth orës 9.40 për inspektime nga policia,” përcjell albinfo.ch.
Nga poeti Eduard Sulollari referuar me rastin e promovimit të librit “ Me sytë në fokus”në Strugë- 2017
Vëllimi është konceptuar në katër kapituj, ndërsa do ta quaja një trend poetik të gjetur nga autori që përkojnë me katër stinët e jetës.
Katër kapituj me një shkëlqim të pafajshëm, strukur në vargje erëmira, shpeshë herë me ngjyra të furishme të qeshura, aty ku shpirti i poetit ka strehën më të mirë të qetësisë, aty ku fjala për atdhenë dëgjohet, oshëtin deri tutje.
Dashuria nuk njeh moshë për autorin edhe pse vitet skalitin mbi supet e tij mermerin e bardhë të viteve ai pret ” si oaza e tharë ujin e lumit”.
Autori kap atë boshllëk që një sy të zakonshëm që sy tjetër as që e dallon dot, detajin e skalit me vargun që kujtesa e mbanë si thesar ” Në syt e njomë fshihej nata që rënkonte” shprehet në poezinë me titullin ”Nata dhe i riu”
Poeti nuk ndalet këtu, kërkon, rëmon në thellësi të fjalës, dhe fletës së bardhë vizaton një tjetër varg që në lëndinën e dhimbjes ky togfjalsh nuk ka djep ta përkund këtë mall- bëhet fjalë për poezinë ” Ike larg”
Hidhërimi i mbushur me dritën e të vërtetës, spërkatur me nostalgji që godet muret e arsyetimit, është poezia ” Takim me qytetin tim” ” Një ylber mbi drin u lëshua avash” apo ” Rrëshqet kapela e maleve” varg që të dridhëron. Emocioni ka aq dallgë edhe kur lexon tjetrën poezi ”Tek liqeni i ohrit”
Ska kufi plaga që hapet, për të ardhur magjishëm në këto vargje, gjë tek të bën të ndalesh gjatë në lexim.
Vënd të lakmuar në brendësi të vëllimit te kapitulli i dytë, me dhjetra poezi për atëdheun, patriotizmin, vendlindjen.
Mesazhet që përcillen kan dritën e gjelbër të jetës. Çdo fjalë është një portë dalje për poezinë e rradhës sepse atdheu nuk do dashuri të cunguar, ai që nuk bën gjithçka për të, nuk bën asgjë, ai që nuk i jep gjithçka atij, i ka mohuar gjithçka.
Poeti shkruan thjesht, por pas gjërave të thjeshta është shkëlqimi që vesh sytë me gëzim dhe tret shpirtin, pas gjërave të thjeshta fshihet poeti i vërtetë, aty e gjejmë, sepse dashuria për atdheun është dashuria mbi të gjitha dashuritë.
Atdheu është vendi ku rrobërohet shpirti, ai nuk mund të harrohet. Edhe pse i mërguar gjenë kohë t`i falë vargje. Nuk ka sëmundje më fisnike se malli për atdheun.
Poeti e di se vendi i huaj nuk mund të bëhet atdhe. Dhe ai shkonë monopatit të vargut, tamam ashtu siç presim pranverën, nëpër vargje ndjejmë se si fëshfërinë pylli me lisa dhe shohim kaltërsinë që shpërndahet mbi vëllimin me poezi.
Asnjë dhimbje nuk është e vogël, poeti ndërton me shkathtësi dehëse pejsazhe që gjunjëzohen para fjalës plot zhdërvjellsi. Ai luan me fjalën si një re e bardhë tek josh qiellin dhe i shkel syrin horizontit të përflakur.
Poezia e veshur me ndjenjë, vargje me nerv poetik, skalitje marrandese dhe mesazhe tejet të qarta.
Shohim flakën e zemrës që lidh burbuqet e para të krijimeve edhe nëper gishtrinjtë e metaforave, e sigurt derdhet lumturia për një tjetër poezi hedhur me lirizëm.
Eduart Sulollari
Lin-Pogradec 26/07/2017
Duke u përgjigjur në manovrat e Serbisë ditëve të fundit, presidenti Thaçi në një intervistë për Jeta në Kosovë ka thënë se verimet e dy ditëve të fundit të Serbisë dhe presidentit Vuçiq i ngjajnë atyre të Kim Jong Unit të Koresë së Veriut.
Kërcënimet e tij, sipas Thaçit janë boshe, të thata.
“Ka thënë që do ta nisë ushtrinë në Kosovë. E kish kthyer në gjysmë të udhës, njëjtë si me trenin. Nuk iu kish kthyer asnjë ushtarë në Serbi”, ka thënë Thaçi.
Sipas tij, telefonat e presidentit serb me presidentin rus dhe Bjellorusisë tregojnë më së miri orientimin e Serbisë dhe te presidentit Vuçiq.
“Kërcënimet e Vuçiqit nuk i kanë bë askujt përshtypje, më së paku mua. Nuk më kanë tremb as kërcënimet e Vuçiqit, as të Millosheviqi.”. ka shtuar ai.
Ai ka thënë se Kosova është shtet sovran dhe i pavarur.
Ky akt terrorizmi nga ana e shtetit serb ndaj popullatës civile shqiptare në Kosovë Lindore, Preshevë, Bujanoc dhe Medvegjë përmes demonstrimit të forcës si reagim i ngjarjeve politike të ndodhura ditë më parë në Mitrovicë, po shpërfaqë politikën e hapur të terrorit, frikës dhe ankthit ndaj kësaj popullate shqiptare.
Fluturimet e kryera në lartësi aq të ulët, gati mbi pullazet e shtëpive shqiptare, të ndjekura dhe të koordinuara nga ushtria tokësore serbe, me arësyetimin se gjoja për “parapërgaditje ushtarake” janë një justifikim i paqëndrueshëm dhe një keqpërdorim i hapësirës ajrore. Athua shtetit serb iu deshën kilometrat ajrore të Preshevës, Bujanocit e Medvegjës, për demostrim të forcës ushtarake?! Apo, ishte një hakmarrje primitive e Beogradit ndaj shqiptarëve, të Kosovës Lindore si kundërpërgjigje ndaj arrestimit të ultranacionalistit Djuriç në Mitrovicë?!
Po këtë ditë në Mitrovicë u publiku Stema mbi Asociacionin e Komunave Serbe, që është antikushtetuese, stemë që shkel Ligjet e Republikës së Kosovës, për faktin se përmban në vete katër S-të. Ky shpërqendrim i vëmendjes nga Veriu (përmes Asociacionit-Stemës) në Lindje (manovrat me avion ushtarak mbi Kosovë Lindore) është një taktizim me prapavijë të qartë politike, që në fakt po e pëson popullata shqiptare në të dy rastet.
Ky skenar i një konflikti real për situatën në rajon është shumë serioz duke marrë për bazë edhe ndikimin rus në rajon kohëve të fundit. Kjo tendencë e shtetit serb po bën përpjekje që edhe në politikën ndërkombëtare të balansoj situatat e interesit të fuqive, veprime të ngjajshme me ato që Rusia kohë më parë po testonte forcat e NATO-së, duke shkelur vijat ajrore me avion ushtarak Rus të disa shteteve të BE-së. Kjo metodë e njejtë e ndjekjes së provokimeve ndërkombëtare sikurse ato të Rusisë, tregon se shteti serb është i kapur dhe ndërlidhur me interesat politike të përbashkëta sllavo-ruse.
Fluturimi i avionëve ushtarak serb mbi Kosovë Lindore, konsiderohet një provokim edhe ndaj bazës Amerikane në Ferizaj që është pak kilometra distancë nga kjo zonë. Provokimet e turpshme të Beogradit janë një përpjekje e shtetit serb duke pretenduar si një “faktor i rëndësishëm” në rajon dhe duke u munduar që të nxitë shtetet e BE-së në “prag të rrëshqitjes së ndikimit kah Rusia” që të vë në lëvizje edhe BE-në, sa i përket kritereve të saja për antarsim, duke dashur që të favorizohej shtetin serb, dhe ti lehtësoj rrugën e hyrjes në BE edhe pa kushtin e njohjes së Kosovës.
Përdorimi i avionëve ushtarak në shumicën e shteteve të ndryshme në botë dhe fuqive të mëdha, sidomos në momente të krizës, përdoren për të treguar forcën ushtarake. Si një praktik e zakonshme për demostrim të forcës dhe slloganet që gjith herë përdoren karshi opinionit, se janë pjesë e ushtrimeve, fsheh në vetëvete qëllime dhe mesazhe të qarta politike.
Valon Jashari
*Historian, ish-veteran i UÇPMB-së,dhe ish-Kryetar i “Lëvizjes së Lirisë”, Lëvizje që vepron në Preshevë, Bujanoc dhe Medvegjë, si dhe aktivist për të drejtat e shoqërisë shqiptare.
“Tashmë filtri është vendosur në emetues dhe tani duhet të bëhet plan për matje, kështu që duhet të bëhen të paktën dy matje krahasuese nga dy laboratorë, e kjo me shumë mundësi do të bëhet në fillim të javës së ardhshme, nga e hëna, në prezencë të Inspektoratit për Mjedis Jetësor”, tha Mite Naçev, Inspektor shtetëror për mjedisin jetësor.
Pas kësaj, nëse rezultatet nga matjet janë pozitive, furra do të mund të fillojë nga puna, shpjegon inspektori i mjedisit jetësor. Më parë, furra ka bërë djegie me naftë, ndërsa tani ajo do të punojë me gaz, por sipas Naçev, ajo nuk planifikohet për djegie të mbetjeve mjekësore.
“Deponia Drislla ka në plan që këtë insenerator ta përdorë për djegie të llojeve të tjera të mbetjeve. Kështu që tani nuk do të ketë djegie të mbetjeve mjekësore por do të bëhet sterilizimi i saj, në temperaturë nga 100 deri në 150 celsius, nën veprimin e avullit të ujit dhe shtypjes së lartë. Më pas ajo mbetje do të copëzohet dhe kthehet në mbetje të parrezikshme inerte, që mund të deponohen në deponinë për mbetje komunale”, shtoi Naçev.
Filtri i ri kap vlerën rreth 30 mijë euro, thotë Naçev. Vendosja e filtrit bëhet me detyrim të inspektoratit, deri në vendosjen e një furre tërësisht të re, për të cilën tashmë është dhënë leja nga Ministria për Transport dhe Lidhjeve.
Kujtojmë që furra për shkatërrimin e mbetjeve mjekësore ndaloi së funksionuari pas kontrollit të Inspektoratit Shtetëror për medis jetësor I cili doli në përfundim se e njëjta nuk i përmbush kriteret për veprimtarinë që e kryente. Për këtë arsye, në janar të këtij viti, “Drislla” u dënua me 8500 euro gjobë. /tv21
Ishte në pyetje vetëm një votë e vetme për ta zgjedhur kryetarin e këshillit. Super “hero” për BDI-në dhe super “tradhëtar” për “Aleancë me Besë”, kështu u cilësua këshilltari nga fshati Dobrosht, Samir Emurllai, pasi votoj kryetarin e këshillit të BDI-së në Tearcë, kështu duke u rradhitur në anën e këshilltarëve të BDI-së, duke tradhëtuar koalicionin dhe votuesit që ja dhanë besimin.
Informacionet që kemi arritur të sigurojmë ne si media, se përse këshilltari i “Aleancës me Besë” ka votuar për BDI-në, janë se BDI i ka ofruar shuma të majme parash dhe premtim për ta punësuar gruan e tij në këmbim të votës për të zgjedhur kryesuesin e këshillit nga rradhët e BDI-së. Veprimi i këtij të fundit ka ngjallur reagime të shumta, madje, vet kryetari i degës së Tearcës pranë Lëvizjes Besa, u distancuar publikisht në emër të koalicionit duke e quajtur atë nga sot edhe si këshilltar të BDI-së./AlbPortali
Sipas konferencës për media që e mbajti atëherë Damjan Mançevskit nga LSDM-ja, në të cilën u shpërndanë fotografi të personave që kanë hyrë në Kuvend, Jordan Mijallkov ka qenë një ndër të parët që është gjetur. Ai në tetor të vitit 2017 është marrë në pyetje në stacioni policor në Kisella Vodë të jep dëshmi për ngjarjet e 27 prillit në kërkesë të Prokurorisë për Krim të Organizuar dhe Korrupsion, e cila e udhëheq lëndën.
Penalisht për ngjarjet e 27 prillit nuk do të përgjigjet as djali i Amdi Bajramit, Adnan Memed, i cili gjithashtu është fotografuar duke qëndruar para policëve.
Damjan Mançevski në konferencë për media tha:
“Ky dhunues majtas në fotografi është Adnan Memded, shef i kabinetit të Elvis Bajramit, kryetar i Komunës së Shuto Orizares, djali i Amdi Bajramit”.
Për fotografinë që është shpërndarë në konferencë për media, Adnan Memed deklaroi se ka hyrë në Kuvend pasi e ftoi deputeti Amdi Bajrami, i cili gjoja se ka pasur probleme shëndetësore dhe iu ka dashur ndihmë./Portalb
“Në këtë pëplasje të madhe mes dy këtyre fuqive vendet e vogla si Maqedonia nuk kanë shumë hapësirë që të jenë neutrale, ky vendim ishte zgjidhja e vetme e logjikshme duke pasur parasysh se bisedimet me Greqinë po intensifikohen ndërsa Maqedonia ka qëllime drejt BE dhe Nato-s. Sot konferenca për shtyp e ambasadorit rus nuk ishte e përshtatshme për fuqi si Rusia, ishte nën secilin nivel dhe e papërshtatshme ndaj një vendi mikpritës”, ka thënë Buçkovski. /Lajm.mk
Ahmeti ka theksuar që Ligji për përdorimin e gjuhëve është në dobi të vendit dhe ky ligj në asnjë mënyrë nuk cenon gjuhën maqedonase, dhe ka kërkuar që të ndalojnë me propagandën për qëllime të politikës ditore si dhe të japin kontributin e tyre në rrumbullaksimin e pjesës normative të Marrëveshjes së Ohrit.
Në lidhje me zgjerimin e shumicës parlamentare, Ahmeti ka thënë që akoma nuk i ka filluar bisedimet me kryeministrin me të cilin duhet të takohet, por që së pari do shihen përcaktimet politike dhe ideologjike të aspirantëve për t’iu bashkangjitur shumicës reformuese parlamentare.
Gjithashtu para ambasadorit Gjerman, Ahmeti ka nënvizuar pritshmërinë për marrjen e rekomandimit të plotë për nisje të negociatave me Bashkimin Evropian më 17 prill, ndërsa ka falenderuar Kancelaren Merkel për mbështetjen në tejkalimin e çështjes së emrit me Greqinë ku e ka veçuar si pengesën më të madhe në rrugën drejt NATOsë dhe BE-së. /tv21